تلنگانہ میں انٹر میڈیٹ امتحانات کا کل سے آغاز، زائد از 9؍لاکھ طلباء کی ہوگی شرکت
حیدرآباد: جمعہ سے شروع ہونے والے انٹرمیڈیٹ پبلک امتحانات کے نتائج کا اعلان 24 جون تک کردیا جائے گا۔ تلنگانہ اسٹیٹ بورڈ آف انٹرمیڈیٹ ایجوکیشن (TS BIE) 7 مئی سے ہی جوابی اسکرپٹس کی اسپاٹ ایویلیویشن کا آغاز کرے گا۔ اس کے مطابق، ریاست بھر میں 14 جگہ جانچ کے لیے کیمپوں کا اہتمام کیا گیا ہے۔
کل 9,07,393 طلباء، بشمول 4,64,626 سال اول اور 4,42,767 دوسرے سال کے طلباء نے انٹرمیڈیٹ پبلک امتحانات کے لیے رجسٹریشن کرایا ہے۔ امتحانات صبح 9 بجے سے دوپہر 12 بجے تک ہوں گے اور طلبہ کو امتحان شروع ہونے سے آدھا گھنٹہ قبل مراکز میں جانے کی اجازت ہوگی۔ صبح 9 بجے کے بعد کسی طالب علم کو اجازت نہیں ہوگی۔ اس سال بورڈ نے معذور طلبہ کے لیے امتحان کا دورانیہ 30 منٹ سے بڑھا کر 60 منٹ کرنے کا فیصلہ کیا ہے۔
وزیر تعلیم پی سبیتا اندرا ریڈی نے طلباء پر زور دیا کہ وہ اعتماد کے ساتھ امتحانات دیں اور ان کی تمام تر کامیابی کے لیے نیک خواہشات کا اظہار کیا۔ TS BIE کے سکریٹری سید عمر جلیل نے کہا کہ بورڈ نے طبی ماہرین نفسیات کی خدمات حاصل کی ہیں جن سے ٹول فری نمبر 18005999333 پر چوبیس گھنٹے رابطہ کیا جا سکتا ہے۔
TS BIE نے حیدرآباد میں اپنے ہیڈ آفس میں ایک کنٹرول روم بھی قائم کیا ہے جو 24 مئی تک صبح 8 بجے سے شام 8 بجے تک کام کرے گا۔ امتحانات سے متعلق وضاحت کے لیے طلباء اور پرنسپل ٹیلی فون نمبر 040-24600110 پر کال کرسکتے ہیں یا ہیلپ ڈیسک پر ای میل کرسکتے ہیں۔ @telangana.gov.in
