برادرمحمدعبدالحفیظ ایس آئی او تلنگانہ کے زونل صدر منتخب‘ برادر محمدفراز کا زونل سکریٹری کی حیثیت سے تقرر
حیدرآباد: 11؍دسمبر (پریس نوٹ) اسلامک سنٹر دفتر حلقہ جماعت اسلامی ہند تلنگانہ لکڑکوٹ‘ حیدرآبادپر 10 /ڈسمبر 2022ء کوسرپرست حلقہ ایس آئی او تلنگانہ مولانا حامد محمد خان کی سرپرستی اور جنرل سکریٹری ایس آئی او آف انڈیا برادرسید احمد مذکر کی نگرانی میں اسٹوڈنٹس اسلامک آرگنائزیشن آف انڈیا (ایس آئی او) حلقہ تلنگانہ کی میقات2023-24 کیلئے ریاستی صدرکا انتخاب عمل میں آیا جس میں ریاستی مجلس شوریٰ نے برادرمحمد عبدالحفیظ کو کثرت آرا سے ریاستی صدر منتخب کیا، نو منتخبہ صدر حلقہ برادر محمد عبدالحفیظ کا تعلق ضلع عادل آباد سے رہاہے، انہوں نے عثمانیہ یونیورسٹی سے میکانیکل انجینئرنگ میں بی ای اور ایم ٹیک کی ڈگری حاصل کی،موصوف نے سابق میں ایس آئی او شہرحیدرآباد کے صدر کی ذمہ داری ادا کی، میقات رواں وہ ایس آئی او کے مرکزی سکریٹری رہے۔نو منتخب صدر حلقہ نے مجلسِ شوریٰ کے مشورے سے برادر محمد فراز احمد کا زونل سکریٹری کے طور پر تقرر کیا،برادر محمد فراز احمد کا تعلق نظام آباد سے ہے، بی اے گریجویشن کے بعدوہ فی الوقت مولانا آزاد نیشنل اردو یونیورسٹی سے ایم اے پولیٹیکل سائنس کی تعلیم حاصل کررہے ہیں۔اس موقع پر نومنتخبہ صدر حلقہ برادرمحمدعبدالحفیظ نے اپنے عزائم کے سلسلہ میں اظہارِ خیال کیا، سرپرست حلقہ ایس آئی اوتلنگانہ مولانا حامد محمد خان نے نومنتخبہ صدر و سکریٹری کو مبارکباد پیش کرتے ہوئے راہ خدا میں استقامت کی دعا کی۔
