اردو یونیورسٹی حیدرآباد کی 27؍جنوری سے مرحلہ وار کشادگی

حیدرآباد: 15؍جنوری (عصرحاضر) یونیورسٹی گرانٹس کمیشن نئی دہلی کے جاری کردہ رہنما خطوط کی تعمیل میں مولانا آزاد نیشنل اردو یونیورسٹی انتظامیہ نے، یونیورسٹی کی 27 جنوری سے مرحلہ وار کشادگی کا اعلان کیا ہے۔ ڈین بہبودی طلبہ پروفیسر سید علیم اشرف جائسی کے بموجب پہلے مرحلے میں تیسرے اور مابعد سمسٹرس کے ریسرچ اسکالرس کو جن کا تعلق اسکول آف سائنسس اور اسکول آف ٹکنالوجی سے ہے 27 جنوری 2021 سے یونیورسٹی آنے کی اجازت دی گئی ہے۔ یہاں اس بات کا تذکرہ بیجا نہ ہوگا کہ اردو یونیورسٹی نے لاک ڈاؤن کے آغاز ہی سے آن لائن کلاسس کا سلسلہ شروع کردیا تھا۔ یونیورسٹی نے دو سمسٹرس کے امتحان بھی کامیابی کے ساتھ آن لائن منعقد کیے ہیں۔

اعلان