حیدرآباد: 7؍جنوری (عصرحاضر) تلنگانہ ہائی کورٹ کی نومنتخب چیف جسٹس کماری ہما کوہلی نے آج راج بھون میں منعقدہ ایک تقریب میں اپنے عہدے کا حلف لیا۔ گورنر ڈاکٹر تاملیسائی سونڈراراجن نے آج راج بھون میں ریاست تلنگانہ کے نئے چیف جسٹس آف ہائی کورٹ کی حیثیت سے کماری جسٹس ہما کوہلی کو اپنے عہدے کا حلف دلایا۔ حلف برداری تقریب میں وزیر اعلی سری کے چندرشیکر راؤ کے علاوہ اسپیکر پوچارام سری نواس ریڈی‘ قانون ساز کونسل کے چیئرمین گٹہ سکھیندر ریڈی اور دیگر کابینی وزراء موجود تھے۔ تقریب کی صدارت چیف سکریٹری سومیش کمار نے کی۔
