حیدرآباد:18؍نومبر (عصر حاضر) تلنگانہ ریاستی الیکشن کمیشن (ایس ای سی) نے بدھ کے روز ریاستی حکومت کو ہدایت دی کہ جی ایچ ایم سی انتخابی نتائج کے اعلان تک گریٹر حیدرآباد میونسپل کارپوریشن (جی ایچ ایم سی) کی حدود میں سیلاب سے متاثرہ خاندانوں کی رجسٹریشن اور امداد کی تقسیم کا عمل روک دیا جائے۔ ایس ای سی سکریٹری ایم اشوک کمار نے پرنسپل سکریٹری ، میونسپل ایڈمنسٹریشن اور شہری ترقی سے کہا ہے کہ ضابطہ اخلاق نافذ ہونے کے بعد سے سیلاب متأثرین میں امداد کی تقسیم کے عمل کو فوری طور پر بند کریں۔ سیلاب سے متاثرہ افراد کو رجسٹریشن اور امداد کی تقسیم کا جاری عمل انتخابات کے لیے استعمال کیا جاسکتا ہے۔ لہذا اسے جلد ہی روک دیا جائے گا۔ صبح سے ہی لمبی قطار میں کھڑے ہزاروں خاندان ایس ای سی کا حکم سن کر مایوس ہوگئے۔
