بارش میں پھنسے لوگوں کو نکالنے کے لیے ریاستی حکومت نے حاصل کیں انڈین آرمی کی خدمات

حیدرآباد: 14؍اکتوبر (عصر حاضر) گزشتہ دو روز سے شدید بارش کے ساتھ ہی شہر میں طوفان برپا ہوگیا اور حیدرآباد کے بہت سے رہائشی علاقوں میں سیلاب آگیا ، ریاستی حکومت نے بدھ کے روز ہندوستانی فوج کی خدمات حاصل کیں۔ اس کے بعد ، آرمی نے بنڈلہ گوڑہ کے علاقے میں سیلاب سے متأثرہ افراد میں امدادی کاموں کا آغاز کیا۔ ڈیفنس کے ایک بیان کے مطابق ، بہت سے پھنسے ہوئے لوگوں کو نکال لیا گیا ہے اور انسانی ہمدردی کو ظاہر کرتے ہوئے ، فوج نے سیلاب سے متاثرہ لوگوں میں بڑی تعداد میں فوڈ پیکٹ بھی تقسیم کیے۔