حیدرآباد: 20؍دسمبر (عصرحاضر) تلنگانہ انٹرمیڈیٹ سال اول کے امتحانات میں طلبہ کی ناکامی کے خلاف احتجاج کرتے ہوئے طلبہ یونینوں نے 20 دسمبر سے تمام جونیئر کالجوں کے بند کی کال دی ہے۔ انہوں نے الزام لگایا کہ انٹر بورڈ جوابی پرچوں کی جانچ میں ناکام رہا ہے۔ امتحانات میں 51 فیصد طلبہ فیل ہوئے۔ نیشنل اسٹوڈنٹس آف یونین آف انڈیا (این ایس یو آئی) نے آج جونیئر کالجوں کے بند کی کال دی جبکہ اکھل بھارتیہ ودیارتھی پریشد (اے بی وی پی) کے کارکنوں نے منگل کا اعلان کیا۔ طلبہ یونینوں نے انٹر بورڈ سے تمام ناکام طلبہ کو کم سے کم نمبروں سے پاس کرنے کا مطالبہ کیا اور جاں بحق طلبہ کے اہل خانہ کو ایکس گریشیا کا بھی مطالبہ کیا۔ دوسری طرف، تلنگانہ بورڈ آف انٹرمیڈیٹ نے پہلے ہی ناکام طلباء کے لیے یہ نوٹیفیکیشن جاری کر دیا ہے کہ جو اپریل 2021 میں ہونے والے انٹر پبلک امتحانات میں شرکت کرنے میں ناکام رہے تھے۔ اس کے علاوہ، جو طلباء اپنی کارکردگی کو جانچنا چاہتے ہیں وہ جوابی پرچوں کی دوبارہ تصدیق کے لیے مطلوبہ فیس ادا کرکے درخواست دے سکتے ہیں۔
تلنگانہ انٹرمیڈیٹ سالِ اول میں ناکام طلباء کا احتجاج، طلبہ یوینوں نے جونیر کالجوں کے بند کا کیا اعلان
