بسوں کو دھکا لگاتےتو دیکھا ہوگا مگر اب نیپال میں جہاز کودھکا لگاکر ہٹایا گیا
کھٹمنڈو: 4؍دسمبر (ذرائع) آپ نے اکثر راستے میں خرابی کے باعث گاڑیوں کو دھکا لگاتے دیکھا ہوگا مگر کیا کبھی کسی نے ہوائی جہاز کو دھکا لگاتے دیکھا ہے؟ نہیں تو آپ اس ویڈیو میں یہ منظر بھی دیکھ لیجیے۔
نیپال کے ایک ہوائی اڈے سے ایک عجیب و غریب ویڈیو سامنے آئی ہے جس میں ایک درجن سے زائد افراد طیارے کو رن وے سے ہٹانے کے لیے پوری قوت سے دھکیل رہے تھے۔
یہ ویڈیو بدھ یکم دسمبر کو مغربی نیپال کے سوڈورباچیم ضلع کے باگورا کے کلتی میونسپل ایئرپورٹ پربنائی گئی تھی۔
تو لیجیے نیپال میں ایک ایئرپورٹ کے رن وے پر پلین کو دھکّا لگاکر اپنی جگہ سے ہٹاتے ہوئے یاتری pic.twitter.com/jUR4WyYC1C
— ASR-E-HAZIR OFFICIAL (@asrehazirportal) December 4, 2021
یہ واقعہ اس وقت پیش آیا جب مسافرہوائی اڈے پر پروازپکڑنے کا انتظارکر رہے تھے۔ ان کا جہاز ہوائی اڈے پر اترنا تھا لیکن ایسا نہیں ہو سکا کیونکہ تارا ایئر کا ایک اور طیارہ رن وے کے بیچ میں پھنس گیا تھا۔
نیپال نیوز ویب سائٹ کی رپورٹ کے مطابق جو لوگ طیارے کو رن وے سے دھکیل رہے تھے ان میں سے ایک نے تصدیق کی کہ اس کے ایک ٹائر میں پنکچر لگنے کی وجہ سے یہ رن وے کے درمیان میں کھڑا تھا۔
اپنی پرواز پکڑنے کے لیے مسافروں نے چھوٹے طیارے کو رن وے سے دھکیل دیا تاکہ دوسرا طیارہ لینڈ کر سکے۔
