کریم نگر: 30؍اکتوبر (پریس ریلیز) حافظ عبدالمجید اشتیاق سکریٹری جمعیۃ علماء کریم نگر کی اطلاع کے مطابق جمعیۃ علماء کریم نگر کے زیر اہتمام 31 اکتوبر 2021ء بروز اتوار بعد عشاء نیشنل پیالیس حسینی پورہ میں جلسہ سیرت النبی ﷺ وتقسیمِ انعامات حضرت مفتی محمد یونس القاسمی صاحب صدر جمعیۃ علماء کریم نگر کی صدارت میں منعقد ہوگا۔
سیرت النبی ﷺ امتحان (جو 24 اکتوبر کو منعقد ہوا تھا) میں کامیاب ہونے والے طلباء کو گراں قدر انعامات سے نوازا جائے گا۔ ان شا ء اللہ حضرت مولانا محمد عمر فاروق صاحب قاسمی صدر سٹی جمعیۃ علماء کریم نگر اور حضرت مفتی عبدالحمید صاحب قاسمی صدر دینی تعلیمی بورڈ کریم نگر کے سیرت رسول ﷺ پر بصیرت افروز بیانات ہوں گے۔
عامۃ المسلمین سے کثیر تعداد میں شریک ہوکر مستفید ہونے کی گزارش ہے۔
