ناقابل بیان صورتحال میں درجنوں روہنگیا مسلمان انڈونیشیا کے ساحل سمندر پر اتر کر پناہ لی

انڈونیشیا: 26؍دسمبر (ذرائع) انڈونیشیائی حکام نے بتایا کہ درجنوں بھوکے اور کمزور روہنگیا مسلمان ہفتے کے روز سمندر میں رہنے کے بعد اتوار کو انڈونیشیا کے شمالی صوبے آچے کے ایک ساحل پر پائے گئے۔ مقامی پولیس سربراہ رولی یوئیزا اوے نے بتایا کہ 58 افراد کا گروپ اتوار کی صبح آچے بیسار ضلع کے ایک ماہی گیری گاؤں لاڈونگ میں اندرا پترا ساحل پر پہنچا۔ انہوں نے کہا کہ دیہاتیوں نے جنہوں نے نسلی روہنگیا کے گروہ کو لکڑی کی ایک کشتی پر دیکھا تھا انہیں اترنے میں مدد کی اور پھر حکام کو اپنی آمد کی اطلاع دی۔ "وہ بھوک اور پانی کی کمی سے بہت کمزور نظر آرہے تھے۔ ان میں سے کچھ سمندر میں طویل اور شدید سفر کے بعد بیمار ہوگئے ہیں،” آوے نے اس بات کی خبر دی، انہوں نے مزید کہا کہ ان افراد نے گاؤں والوں اور دیگر لوگوں سے کھانا اور پانی حاصل کیا جس درمیان وہ آچے میں امیگریشن اور مقامی حکام کی جانب سے مزید ہدایات کا انتظار کر رہے تھے۔

آوے نے کہا کہ مردوں میں سے کم از کم تین کو طبی دیکھ بھال کے لیے صحت کے کلینک میں لے جایا گیا، اور دیگر بھی مختلف طبی علاج کر وارہے ہیں۔ اقوام متحدہ اور دیگر گروپوں نے جمعہ کے روز جنوبی ایشیا کے ممالک پر زور دیا ہے کہ وہ ایک چھوٹی کشتی پر سوار 190 روہنگیا مہاجرین کو بچائیں جو بحیرہ انڈمان میں کئی ہفتوں سے بھٹک رہے ہیں۔ اقوام متحدہ کے پناہ گزینوں کے ادارے، یو این ایچ سی آر نے ایک بیان میں کہا، "اطلاعات سے پتہ چلتا ہے کہ جہاز پر موجود افراد ایک ماہ سے سمندر میں ناکافی خوراک اور پانی کے ساتھ خطرناک حالات میں موجود ہیں، خطے میں مختلف ریاستوں کی جانب سے انسانی جانوں کو بچانے میں مدد کے لیے کوئی کوشش نہیں کی گئی”۔ "ان میں زیادہ سے زیادہ خواتین اور بچے ہیں، سفر کے دوران جہاز پر 20 افراد کے مرنے کی اطلاعات ہیں۔

اوے نے کہا کہ یہ واضح نہیں ہے کہ یہ گروپ کہاں سے سفر کر رہا تھا یا وہ 190 روہنگیا پناہ گزینوں کے گروپ کا حصہ تھے جو بحیرہ انڈمان میں بہہ گئے ہیں۔ لیکن ملائی زبان بولنے والے ایک آدمی نے بتایا کہ وہ ایک ماہ سے زیادہ عرصے سے سمندر میں تھے اور ان کا مقصد ملائیشیا میں ایک بہتر زندگی کی تلاش اور وہاں کام کرنے کے لیے اترنا تھا۔ واضح رہے کہ اگست 2017 سے، جب میانمار کی فوج نے باغی گروپ کے حملوں کے جواب میں کلیئرنس آپریشن شروع کیا تھا، تب سے بدھ مت کی اکثریت والے میانمار سے 700,000 سے زیادہ روہنگیا مسلمان بنگلہ دیش میں پناہ گزین کیمپوں میں جا چکے ہیں۔ میانمار کی سکیورٹی فورسز پر اجتماعی عصمت دری، قتل اور ہزاروں گھروں کو نذر آتش کرنے کا الزام ہے۔
روہنگیا کے گروپوں نے بنگلہ دیش کے پرہجوم کیمپوں کو چھوڑ کر خطے کے دیگر مسلم اکثریتی ممالک میں خطرناک سفر کے ذریعے سمندری سفر کرنے کی کوشش کی ہے۔ مسلم اکثریتی ملک ملائیشیا مہاجر کشتیوں کی مشترکہ منزل رہا ہے اور اسمگلروں نے وہاں پناہ گزینوں سے بہتر زندگی کا وعدہ کیا ہے۔ لیکن ملائیشیا میں اترنے والے بہت سے روہنگیا پناہ گزینوں کو حراست کا سامنا ہے۔ اگرچہ انڈونیشیا اقوام متحدہ کے 1951 کے پناہ گزین کنونشن کا دستخط کنندہ نہیں ہے، لیکن UNHCR نے کہا کہ 2016 کا صدارتی ضابطہ انڈونیشیائی ساحل کے قریب موجود کشتیوں پر سوار مہاجرین کے ساتھ سلوک اور انہیں اترنے میں مدد کرنے کے لیے ایک قومی قانونی فریم ورک فراہم کرتا ہے۔ ان دفعات کو برسوں سے لاگو کیا جا رہا ہے، حال ہی میں گزشتہ ماہ جب تقریباً 219 روہنگیا پناہ گزینوں کو، جن میں 63 خواتین اور 40 بچے شامل تھے، کو دو کشتیوں پر سوار شمالی آچے ضلع کے ساحل سے بچایا گیا۔ایمنسٹی انٹرنیشنل انڈونیشیا کے ایگزیکٹیو ڈائریکٹر عثمان حامد نے کہا، "ہم انڈونیشیا کی حکومت سے کشتیوں کو بچانے اور انہیں بحفاظت اترنے کی اجازت دینے کی اپیل کرتے ہیں۔” ہم انڈونیشیا کی حکومت سے بھی اپیل کرتے ہیں کہ وہ مہاجرین کے بحران کو حل کرنے کے لیے علاقائی اقدام کی قیادت کرے۔ جمعرات کو، میانمار میں انسانی حقوق کی صورت حال پر اقوام متحدہ کے خصوصی نمائندے، ٹام اینڈریوز، نے جنوبی اور جنوب مشرقی ایشیا کی حکومتوں پر زور دیا کہ "فوری طور پر اس کشتی کی تلاش اور بچاؤ کے کاموں کو مربوط کریں اور مزید کسی نقصان سے پہلے اس پر سوار افراد کو محفوظ طریقے سے اتارنے کو یقینی بنائیں۔ کیوں کہ ہر انسان کی زندگی قیمتی ہوتی ہوتی ہے۔” اینڈریوز نے ایک بیان میں مزید کہا، "جب کہ دنیا میں بہت سے لوگ چھٹیوں کے موسم سے لطف اندوز ہونے اور نئے سال کی آمد کی تیاری کر رہے ہیں، مایوس روہنگیائی مرد، عورتوں اور چھوٹے بچوں کو لے کر غیر محفوظ جہازوں اور کشتیوں میں خطرناک سفر پر روانہ ہو رہے ہیں۔”