جنگاوں: 3؍جون (عصرحاضر) ریاستی یومِ تاسیس کے موقع پر بدھ کے روز جنگاؤں ضلع کے چلپور گاؤں میں پلے پرکروتی ونم میں وزیر اعلی کے چندرشیکھر راؤ کے نو فٹ اونچے مجسمے کی نقاب کشائی عمل میں آئی۔ مقامی سرپنچ اُداماری راجکمار نے بتایا کہ انہوں نے کے چندرشیکھر راؤ کے احترام کے لئے ٹی آر ایس قائدین کی حمایت میں تقریبا 5 لاکھ روپے خرچ کرکے اس مجسمے کو نصب کیا جس نے تلنگانہ کے عوام کے کئی دہائیوں پرانے خواب کو اپنی رسہ کشی کے ذریعے پورا کیا۔
مقامی لوگوں نے بتایا کہ ریاست کے قیام کے بعد سے یہ تلنگانہ میں چندر شیکھر راؤ کا سب سے اونچا مجسمہ لگایا گیا ہے۔ چلپور ضلع ورنگل کے ایک مشہور یاتری مراکز میں سے ایک ہے اور یہ حیدرآباد سے 120 کلومیٹر دور ، ورنگل سے 30 کلومیٹر اور گھنپور سے 10 کلومیٹر دور واقع ہے۔
مقامی پہاڑی کے چوٹی پر واقع بگولو سری وینکٹیشورا سوامی مندر پھلگنا مہینے کے دوران ہر سال جٹارا کے دوران ہزاروں عقیدت مند یہاں آتے ہیں۔
