عثمانیہ یونیورسٹی کی ثقافتی ورثہ کی حامل قدیم باؤلی کو بحال کرنے کے ٹی آر کی ہدایت
حیدرآباد: 5؍دسمبر (عصرحاضر) تلنگانہ کے وزیر بلدی نظم ونسق کے تارک راما راو نے اسپیشل چیف سکریٹری بلدی نظم ونسق عامہ اروند کمار سے خواہش کی ہے کہ وہ عثمانیہ یونیورسٹی کی ثقافتی ورثہ کی حامل قدیم باولی کو بحال کرنے کے کام یونیورسٹی کے وائس چانسلر کے ساتھ مشاورت کے ذریعہ انجام دیں۔
Request @arvindkumar_ias Garu to take up this restoration in consultation with VC of OU https://t.co/b678syK6ET
— KTR (@KTRBRS) December 4, 2022
تارک راماراو نے نصیر ناشونامی ایک نوجوان کی جانب سے اس خصوص میں کئے گئے ٹوئیٹ پر ردعمل ظاہر کیا۔اس طالب علم نے وزیرموصوف کو ٹوئیٹ کرتے ہوئے کہا کہ عثمانیہ یونیورسٹی کے، یونیورسٹی کالج آف ایجوکیشن کی اس باولی کو بحال کرنے کا کام کیاجائے۔ساتھ ہی انہوں نے اس باولی کی تصویر بھی پوسٹ کی۔ان کے اس ٹوئیٹ پر ردعمل ظاہر کرتے ہوئے تارک راما راو نے یہ ہدایت دی۔واضح رہے کہ ریاستی حکومت نے حیدرآباد کی ثقافتی ورثہ کی حامل عمارتوں کے ساتھ ساتھ سیڑھیوں والی کئی باولیوں کو نہ صرف ان کی اصلی حالت میں واپس لانے کو یقینی بنایا ہے بلکہ وہاں پر سیاحتی سرگرمیوں کے آغاز کے بھی اقدامات کئے گئے ہیں۔ ان تاریخی باولیوں کو نہ صرف نظرانداز کیاگیا تھا بلکہ ان میں بڑے پیمانہ پر کچرابھی ڈالاجارہا تھا۔
