نئی دہلی/حیدرآباد: 27؍دسمبر (عصرحاضر)ہیلتھ انڈیکس (ایچ ٹی) کی درجہ بندی میں صحت کی دیکھ بھال کی خدمات فراہم کرنے کے معاملے میں تلنگانہ ملک کی سرفہرست تین ریاستوں کے طور پر ابھری ہے جو پیر کو NITI (National Institute for Transforming India) Aayog کی درجہ بندی کے ذریعہ جاری کی گئی ہے۔
نیتی آیوگ کی رپورٹ کے مطابق، مجموعی کارکردگی کے لحاظ سے کیرالہ اس فہرست میں نمبر ایک مقام پر ہے، اس کے بعد تمل ناڈو اور تلنگانہ کا نمبر ہے جب کہ اتر پردیش سب سے خراب کارکردگی کے لحاظ سے نیچے ہے۔ تلنگانہ کے بعد اس کی پڑوسی ریاست آندھرا پردیش ہے۔ "تلنگانہ بھی واحد ہندوستانی ریاست کے طور پر ابھری ہے (19 دیگر بڑی ہندوستانی ریاستوں میں) جس نے مضبوط مجموعی کارکردگی درج کی ہے اور اس نے 2018-19 اور 2019-20 کے درمیان اضافی کارکردگی بھی دکھائی ہے۔ تلنگانہ واحد ریاست تھی جس نے بہت مضبوط انداز میں مجموعی کارکردگی کا مظاہرہ کیا اور صحت کی دیکھ بھال کے شعبے میں بھی بہتری درج کی ہے،”۔ ایک ٹویٹ میں، نیتی آیوگ نے کہا، "انڈیکس ریاستوں اور مرکز کے زیر انتظام علاقوں کو صحت کی دیکھ بھال کے مضبوط نظام تیار کرنے، صحت کے نتائج پر پیشرفت کو ٹریک کرنے، صحت مند مسابقت پیدا کرنے اور کراس لرننگ کی حوصلہ افزائی کرنے کی طرف ایک قدم ہے۔”
نیتی آیوگ کی رپورٹ میں کہا گیا ہے کہ چھوٹی ریاستوں میں، میزورم نے مجموعی طور پر بہترین کارکردگی کا مظاہرہ کیا جب کہ بنیادی سال (2018-19) اور حوالہ سال (2019-20) کے درمیان بڑھتی ہوئی کارکردگی میں تلنگانہ بڑی ریاستوں کے درمیان بہترین کارکردگی کے طور پر ابھرا۔
نیتی آیوگ نے عالمی بینک کی تکنیکی مدد سے وزارت صحت اور خاندانی بہبود کے تعاون سے یہ رپورٹ تیار کی ہے۔
