سعیدآباد ریپ اور قتل کیس کے ملزم راجو نے تیز رفتار ٹرین کے سامنے چھلانگ لگاکر خودکشی کرلی
حیدرآباد: 16؍ستمبر (عصرحاضر) سعیدآباد سنگارینی کالونی کی کمسن لڑکی کا ریپ اور قتل کیس کے ملزم راجو نے خودکشی کرکے سنسنی پیدا کردی۔ پولیس نے بتایا کہ راجو نے ورنگل ضلع میں گھن پور ریلوے ٹریک پر خودکشی کی۔ لوکو پائلٹ نے پولیس کو بتایا کہ راجو نے ایک تیز رفتار ٹرین کے سامنے چھلانگ لگاکر خودکشی کی ہے۔ پولیس نے اس کی شناخت ہاتھ پر بنائے ہوئے مونیکا کے ٹیٹو سے کی۔
#AttentionPlease : The accused of "Child Sexual Molestation and murder @ Singareni Colony, found dead on the railway track, in the limits of #StationGhanpurPoliceStation.
Declared after the verification of identification marks on deceased body. pic.twitter.com/qCPLG9dCCE— DGP TELANGANA POLICE (@TelanganaDGP) September 16, 2021
اطلاعات کے مطابق پچھلے سات دنوں سے راجو کو نہیں دیکھا گیا۔ راجو کو پکڑنے کے لیے 70 سکواڈ میدان میں اتارے گئے تھے۔ پولیس راجو کا پتہ لگانے کے لیے شہر حیدرآباد کے ساتھ ساتھ ریاست بھر میں اپنی مہم بہت تیزی کے ساتھ جاری رکھی ہوئی تھی۔ راجو نے اس ماہ کی 9 تاریخ کو سعیدآباد میں معصوم چھ سالہ لڑکی کے ساتھ درندگی کرتے ہوئے اس کو قتل کیا۔ راجو تب سے نظر نہیں آیا۔ اس تناظر میں ، پولیس نے تفتیش شروع کردی۔ اس کے بعد پولیس نے تمام شراب کی دکانوں پر راجو کی تصویر رکھی اور اس پر نظر رکھنے کی ہدایت دی۔ راجو کی متعدد تصاویر بسوں اور آٹو پر آویزاں کی گئیں۔اس کا پتہ لگانے کے لیے وسیع پیمانے پر مہم جاری تھی اور اس کے سر پر دس لاکھ روپیے کا انعام بھی رکھا گیا تھا۔
