تلنگانہ پولیس کی مثالی خدمات کو پورے ملک میں نمایاں مقام حاصل: وزیر داخلہ محمود علی
حیدرآباد: 5؍جون (عصرحاضر) ریاستی وزیر داخلہ محمود علی نے ہفتہ کے روز کہا کہ تلنگانہ پولیس ملک کے لئے مثالی ہے کیونکہ محکمہ لوگوں کو دوستانہ خدمات فراہم کرنے کے لئے جدید ترین ٹیکنالوجیز استعمال کررہی ہے۔ وزیر داخلہ نے یہاں شہر کے آصف نگر میں ایک نئے پولیس اسٹیشن کا افتتاح کیا ہے۔ انہوں نے بتایا کہ بہتر خدمات کی انجام دہی کے لئے پولیس اہلکار ملک میں سرفہرست ہیں۔ ریاستی وزیر ٹی سری نواس یادو، ڈی جی پی مہندر ریڈی، سی پی انجنی کمار اور دیگر موجود تھے۔ اس موقع پر وزیر داخلہ نے دعوی کیا کہ حکومت امن و امان کو اولین ترجیح دے رہی ہے۔
Inaugurated the new building of Asifnagar Police Station along with Minister Colleague @YadavTalasani Garu, MLA Jaffer Hussain Meraj, Sri Ravi Guptha, Pri. Secy. For Home, Telangana ,@TelanganaDGP, @CPHydCity & Other Dignitaries. @TelanganaCOPs @hydcitypolice pic.twitter.com/tk718M3rgs
— Mohammed Mahmood Ali (@mahmoodalibrs) June 5, 2021
انہوں نے کہا کہ حکومت لوگوں کو ریاستی وسیع خدمات کی فراہمی کے لئے جدید سہولیات اور آلات کے ساتھ کمانڈ کنٹرول سنٹر (سی سی سی) تعمیر کررہی ہے۔ وزیر داخلہ نے کہا کہ جدید آلات اور جدید طریقوں سے لوگوں کو بہتر خدمات کی پیش کش کی جارہی ہے۔
