سائبر کرائم کیسوں میں تلنگانہ چوتھے نمبر ،آن لائن لین دین اور آن لائن شاپنگ کے بڑھتے رجحانات بھی اہم وجہ

حیدرآباد:یکم اکتوبر (اے این ایس)سائبرآباد کے سائبر کرائم کے ایک پولیس اہلکار نے بتایا کہ لاک ڈاؤن کے دوران ، کے وائی سی کے گھپلوں اور بازار کی دھوکہ دہی کی ایک بڑی تعداد میں اضافہ ہوا ہے ، کیونکہ لوگ اشیاء خورد و نوش اور ضروری سامان کے لیے آن لائن لین دین اور آن لائن شاپنگ کو ترجیح دے رہے ہیں۔ہندوستان بھر میں سائبر کرائم کیسوں میں تلنگانہ چوتھے نمبر پر ہے ، جہاں 1629 واقعات رونما ہوئےہیں۔ 2019 کے این سی آر بی کی رپورٹ کے مطابق ، حیدرآباد میں انفارمیشن ٹکنالوجی ایکٹ 2000 کے تحت 1300 سے زیادہ معاملات رپورٹ ہوئے۔این سی آر بی کے اعدادوشمار کے مطابق ، کرناٹک (12007) ، اترپردیش (9353) اور آسام (1989) کے بعد تلنگانہ میں آئی ٹی ایکٹ 2000 کے تحت 1629 واقعات درجہوئے۔ اعداد و شمار نے انکشاف کیا کہ 2018 میں رپورٹ ہونے والے 585 کیسوں کی تعداد کے بعد ان واقعات میں بہت اضافہ ہوا ہے۔2019 میں بنگلور (10555) کے بعد شہروں میں آئی ٹی ایکٹ کے تحت حیدرآباد میں دوسرے نمبر پر (1379) واقع ہوا۔حکام کے مطابق آنے والے سالوں میں سائبر کرائم کیسز میں مزید اضافے کا امکان ہے۔”آن لائن کی دنیا میں ردو بدل کے ساتھ ، امکان ہے کہ معاملات میں اضافہ ہوگا۔ پتہ لگانے کی فیصد کم ہے ، کیوں کہ زیادہ تر مجرم دیگر ریاستوں سے ہیں۔پچھلے سال کے مقابلے میں صرف اس سال ، شہر میں سائبر کرائم کے معاملات میں70 فیصد اضافہ دیکھنے میں آیا ہے ، پولیس کو ہر ماہ شہر میں کم از کم 100 زبانی شکایات موصول ہوتی ہیں۔