وزیر اعظم کی ویڈیو کانفرنس میں ملک گیر سطح پر لاک ڈاؤن اور مہاجر مزدوروں کی واپسی پر ہوئی گفتگو

حیدرآباد: 17؍جون (عصر حاضر) وزیر اعلی سری کے چندرشیکر راؤ نے وزیر اعظم نریندر مودی کی ویڈیو کانفرنس کے دوران اس بات پر زور دیا ہے کہ وہ لاک ڈاؤن معاملے پر وضاحت پیش کریں ، کیونکہ یہ افواہیں زوروں پر ہیں کہ ملک میں ایک اور لاک ڈاؤن ہوگا۔ وزیراعلیٰ کی درخواست کا جواب دیتے ہوئے ، وزیر اعظم نے واضح کیا کہ ملک میں اب لاک ڈاؤن کا دور ختم ہوچکا ہے اور انلاک ڈاون کا سلسلہ شروع ہوچکا ہے۔
کے سی آر نے کہا کہ “یہ افواہ جاری ہے کہ ملک میں ایک بار پھر لاک ڈاؤن نافذ کیا جاسکتا ہے۔ جب عوام کو یہ معلوم ہوتا ہے کہ  وزیر اعظم سے ہم ویڈیوکانفرنس کے ذریعے بات کرنے والے ہیں تو ، لوگ قیاس آرائیاں کررہے ہیں کہ دوبارہ لاک ڈاؤن نافذ کرنے کا اعلان ہوگا۔ حالانکہ ہم نے یہ کہہ دیا کہ وزیر اعظم تمام وزرائے اعلی سے بات چیت کیے بغیر لاک ڈاؤن کا فیصلہ نہیں لیں گے۔ "سری کے سی آر کے اس سوال پر وزیر اعظم مودی نے اس کا جواب دیتے ہوئے کہا کہ ملک میں کوئی لاک ڈاؤن نہیں ہوگا۔ لاک ڈاؤن کے چار مراحل ختم ہوگئے ہیں۔ انلاک ڈاؤن 1.0 اب چل رہا ہے۔ ہم سب کو اس بات پر تبادلہ خیال کرنا چاہئے کہ انلاک 2.0 کے مسئلے میں کیا لائحہ عمل مرتب کرنا ہے۔ اس تناظر میں وزیر اعلی نے کورونا کے پھیلاؤ پر قابو پانے کے لئے ریاستی حکومت کی جانب سے کئے گئے اقدامات کی وضاحت کی۔
وزیر اعلی کے سی آر نے وزیر اعظم سے کہا کہ “ریاستی حکومت ریاست میں کورونا وائرس پر قابو پانے کے لئے پوری کوشش کر رہی ہے۔ ریاست میں کورونا کا کنٹرول ہے۔ شرح اموات بھی کم فیصد درج ہے۔ ہمیں یقین ہے کہ مرکز اور ریاستوں دونوں کی کوششوں سے ہم کورونا پر فیصلہ کن فتح درج کریں گے۔ حیدرآباد اور اس سے جڑے ہوئے اضلاع میں کورونا کیسز رپورٹ ہوئے ہیں۔ ہم ان علاقوں میں پھیلاؤ کو روکنے کے لئے بھرپور کوششیں کر رہے ہیں۔ مجھے یقین ہے کہ چند دنوں کے اندر یہ سلسلہ کنٹرول میں آجائے گا۔ عام زندگی اب بحال ہورہی ہے۔ مختلف ریاستوں کے مہاجر مزدور ، حمال، دوسری ریاستوں میں کام کرنے کے لئے تیار ہو رہے ہیں۔ ہمیں ان کے لئے سہولیات فراہم کرنا ہوں گی۔ پورا ملک ایک ہے اور ہر ایک کو ملک میں کہیں بھی کام کرنے کی سہولت ہونی چاہئے۔ بہار سے حمال اور مزدوروں کی ایک بڑی تعداد تلنگانہ واپس آنے کے لئے تیار ہیں ، "۔
وزیر اعلی نے ان خبروں پر کہا کہ بہار کے وزیر اعلی نتیش کمار اپنی ریاست کے کارکنوں کو تلنگانہ جانے کی اجازت نہیں دے رہے ہیں ، وزیراعلیٰ نے ردعمل ظاہر کیا۔ “نتیش جی ہم آپ کے ریاست سے آنے والے مزدوروں اور حمالوں کا بہت اچھی طرح سے خیال رکھتے ہیں۔ ہمارے چیف سکریٹری بھی بہاری ہیں۔ براہ کرم حمال بھیجیں ، "۔