حیدرآباد: تلنگانہ کے دارالحکومت حیدرآباد میں دو روزہ سیمینار بعنوان” اردو زبان میں طبی مخطوطات (تعارف، تحقیق، تنقید)” کا اردو مسکن، خلوت روڈ پر عمل میں آیا۔ سمینار کی افتتاحی تقریب سابق صدر شعبہ اردو جامعہ عثمانیہ پروفیسر ایس اے شکور کی صدارت میں اور ڈائریکٹر تلنگانہ اسٹیٹ آرکائیوز اینڈ ریسرچ انسٹیٹیوٹ ڈاکٹر زرینہ پروین کی نگرانی میں انجام پائی، جس میں سیکرٹری/ کمشنر تلنگانہ اسٹیٹ بورڈ آف انٹرمیڈیٹ ایجوکیشن سید عمر جلیل نے مہمانِ اعزازی کے طور پر خطاب کیا۔ سابق وی سی عبد الحق یونیورسٹی، کرنول پروفیسر مظہر شہ میری، صدر شعبہ اردو، حیدرآباد یونیورسٹی پروفیسر فضل اللہ مکرم، سابق جوائنٹ ایڈوائزر، یونانی، منسٹری آف آیوش، ڈاکٹر سید اسد پاشاہ مہمانان خصوصی رہے۔
پروگرام میں ڈاکٹر معین افروز نے تعارفی کلمات پیش کیے جب کہ آفتاب سخن سردار سلیم نے نظامت کے فرائض انجام دیے۔ طب یونانی میں گراں قدر خدمات کے اعتراف میں ڈاکٹر حکیم شیخ اکبر کوثر، المعروف بڑے حکیم صاحب کو نجم الأطبا ایوارڈ، حکیم ڈاکٹر قادر ولی ممتاز، سائنسدان امریکہ کو طبیب العصر ایوارڈ، حکیم ایم اے سجاد، حیدرآباد کو رئیس الحکما ایوارڈ سے نوازا گیا۔
اس موقع پر محمد حمایت اللہ و فیروز احمد کی کتاب ”اناج سے صحت” کا رسم اجراء بھی عمل میں آیا۔ ماہرینِ طبِ اسلامی اور علاج بالتدبیر حکیم کے تمیم الزماں، اور حکیم ایس اے یاسر عرفات کو ان کی خدمات کے پیش نظر گولڈ میڈلز اور خطابات عطاء کیے گئے۔
بعدازاں سابق کیوریٹر شعبہ مخطوطات، سالار جنگ میوزیم، حیدرآباد جناب احمد علی کی صدارت میں مقالہ نگار ڈاکٹر صدیقی صائم الدین، مولانا سید شاہ رفیع الدین شرقی، سید جعفر محی الدین حسینی، ڈاکٹر نفیسہ امین (مغربی بنگال)، ڈاکٹر سید عبد المبین قادری، ڈاکٹر غوثیہ خان سبین (بھوپال) نے اپنے اپنے مقالے پیش کیے۔ پروگرام کی نظامت سینیئر صحافی و اینکر محمد امجد علی نے انجام دیا۔
