ڈبلیو ایچ او نے کورونا ویکسین کو لیکر پھر جاری کیا نیا بیان‘ آئندہ سال کے وسط تک نہیں بن سکے گی کوئی دوا

جینیوا: 4؍ستمبر (ذرائع) ڈبلیو ایچ او کے ترجمان مارگرٹ ہیرس نے کہا کہ اب تک جدید تشخیصی ٹیسٹ میں سے جتنی بھی دوا کمپنیاں ویکسین بنا رہی ہیں، ان میں سے کوئی بھی ابھی تک کم از کم 50 فیصد کی سطح پر کھری نہیں اتری ہے۔ ورلڈ ہیلتھ آرگنائزیشن (ڈبلیو ایچ او) نے اب کورونا ویکسین کو لے کر پھر سےنیا بیان جاری کیا ہے۔ دراصل، ان کا ماننا ہے کہ کورونا ویکسین آئندہ سال کے وسط تک نہیں بنے گی۔ وہیں دوسری طرف، امریکی تنظیم سینٹر فار ڈیزیز کنٹرول اینڈ پروینشن (سی ڈی سی) نے عوامی صحت سے متعلق ایجنسیوں کو بتایا ہے کہ وہ اکتوبر یا نومبر تک دو ویکسین تیارکرسکتا ہے۔ گزشتہ ہفتے سی ڈی سی کے ذریعہ عوامی صحت سے متعلق اداروں کو بھیجے گئے دستاویزوں میں ویکسین کو اے اور بی نام دیا ہے۔ اس میں ویکسین سے جڑی ضروری اہم جانکاریاں شامل ہیں۔ جیسے ویکسین کی تلاش کے درمیان کے وقت کس درجہ حرارت پر انہیں رکھنا ہے۔ یہ معیار ماڈرنا اور فائزر کمپنی کے ذریعہ تیار ویکیسن کے معیار سے ملتے جلتے ہیں۔