اترپردیش :یکم؍اکتوبر (اے این ایس)وزیر اعظم نریندر مودی اٹل ٹنل، روہتانگ کے افتتاح کے لیے 3 اکتوبر کو منالی پہنچیں گے۔ اسی کے ساتھ ہی، پی ایم مودی کے پروگرام سے قبل تیاریوں کے لیے کلو پہنچنے والے 17 سرکاری ملازمین کورونا مثبت پائے گئے ہیں۔معلومات کے مطابق ان متاثرہ افراد میں 3 پولیس اہلکار، 1 سی آئی ڈی جوان، محکمہ سیاحت کے 2 ملازمین، سکریٹریٹ سے آئے 11 ڈرائیور شامل ہیں۔ ان کی تحقیقاتی رپورٹ مثبت آئی ہے۔ کووڈ -19 پروٹوکول کے مطابق وزیر اعظم کے پروگرام میں شرکت کے لیے ہر ایک انسان کا کورونا ٹیسٹ ہونا لازمی قرار دیا گیا ہے۔اہم بات یہ ہے کہ وزیر اعظم نریندر مودی 3 اکتوبر کو اسٹریٹجک اہمیت کے حامل اٹل روہتنگ ٹنل کا افتتاح کرنے آ رہے ہیں۔ اس دوران ، پہلی بار جلسہ عام میں عوام سے پانچ گنا زیادہ سیکیورٹی اہلکار تعینات ہوں گے۔
