خلاف توقع فیصلہ آنے پر برہم وکیل نے جج سے کہا ’’ جا تجھے کورونا وائرس لگ جائے‘‘

کولکاتہ: 8؍اپریل (عصر حاضر) کولکاتہ ہائی کورٹ میں خلاف توقع فیصلہ آنے پر ایک وکیل نے ہائی کورٹ  کے ایک جج سے کہا کہ "جا تجھے کورونا وائرس ہو جائے ،” وکیل کے توہین آمیز سلوک سے ناراض جج دیپانکر دتہ نے اس کے خلاف توہین عدالت کی کارروائی کی سفارش کی ہے۔ جسٹس دیپانکر دتہ نے عدالت کے وقار کو برقرار رکھنے میں ناکام رہنے اور "اس معزز پیشہ کے ممبر کے مطابق” کام نہ کرنے اور ایڈمنسٹریٹ وجے ادھیکاری کی مذمت کی اور انہیں نوٹس بھیجے جانے کی تاریخ کے 15 دن کے اندر توہین عدالت کے تحت جواب دینے کو کہا ہے۔ جسٹس دتہ نے یہ بھی ہدایت دی کہ جب موسم گرما کی تعطیلات کے بعد عدالت کھلتی ہے تو  اس معاملے کی سماعت مناسب بینچ کرے گا جسے مجرمانہ توہین عدالت کے مقدمات کی سماعت کا حق ہوگا۔ کورونا وائرس کے وبا کی وجہ سے کولکاتہ ہائی کورٹ میں 15 مارچ سے اور صرف 25 مارچ سے صرف ضروری مقدمات کی سماعت ہورہی تھی وہ صرف ویڈیو کانفرنسنگ کے ذریعے ہی کیسوں کی سماعت کر رہے ہیں۔