حکومتِ کرناٹک نے اسکول دوبارہ کھولنے کے بارے میں فیصلہ نہیں لیا ہے: ایس سریش کمار

بنگلور 29:؍ ستمبر (اے این ایس) منگل کو ریاستی وزیر تعلیم ایس سریش کمار نے کہاکہ کرناٹک حکومت نے اسکول دوبارہ کھولنے کے بارے میں کوئی فیصلہ نہیں لیا ہے، حکومت کے پاس اس وقت اسکولوں کو دوبارہ کھولنے کا کوئی منصوبہ نہیں ہے۔کمار نے مزید کہا کہ ہم قانون سازوں ، ممبران پارلیمنٹ اور متعلقہ لوگوں کی رائے لے رہے ہیں۔ ہم ماہرین تعلیم اور اداروں کے ساتھ بھی تبادلہ خیال کریں گے۔20 ستمبر کو ، ریاستی حکومت نے کلاس 9 سے 12 طلباء کو COVID-19 کے پیش نظر اساتذہ سے ملنے کے لئے اسکولوں اور پری یونیورسٹی کے کالجوں میں جانے سے منع کیا تھا۔حکومت کی طرف سے جاری کردہ ایک بیان کے مطابق ، ریاست میں پہلے اجازت دی گئی تھی تاہم COVID-19 کے معاملات مسلسل سامنے آنے کے بعد محکمہ تعلیم نے اجازت منسوخ کردی۔ریاستی حکومت نے محسوس کیا کہ طلباء کو اساتذہ سے ملنے کے لئے کالجوں یا اسکولوں میں بلایا جانا غیرمحفوظ ہے۔