بڑی خبر: حجاب تنازعہ میں شدت کے بعد کرناٹک میں اسکول اور کالج تین دن تک بند

کرناٹک میں مسلم طالبات پر حجاب پر پابندی عائد کئے جانے کے خلاف ملک بھر میں احتجاجی مظاہرے ہو رہے ہیں۔
وہیں ان سارے معاملے پر ہائی کورٹ کرناٹک میں سماعت بھی جاری ہے، لیکن ان مسئلوں پر مسلسل بڑھتے تنازع کے پیش نظر کرناٹک حکومت نے ایک بڑا فیصلہ لیتے ہوئے یہ اعلان کردیا ہے کہ کرناٹک کے سبھی کالجز اب آن لائن ہی جاری رہیں گے۔جب تک ان سارے مسئلوں کے تعلق سے ہائی کورٹ کا بڑا فیصلہ نہیں آجا تا۔وہیں اس مسئلے پر جاری احتجاج کے دوران ہوئے پتھراؤ کے بعد کرناٹک کے ضلع شیوا موگا میں دفعہ 144 نافذ کردی گئی ہے۔
آپ کو بتاتے چلیں کہ کرناٹک حکومت کے اس بڑے فیصلے سے قبل ہی کانگریس پارٹی کے سینئر رہنما ڈی کے شیو کمار نے بھی اس مسئلے کی مذمت کرتے ہوئے کہا تھا کہ ریاستی حکومت کو چاہئے کہ وہ ان مسائل کے پیش نظر آف لائن کے بجائے دوبارہ تعلمی سلسلہ آن لائن کردے تاکہ اس تنازعہ کو روکا جاسکے۔