کیرالہ: 14؍جنوری (پریس ریلیز) شہریت ترمیمی قانون کی منظوری کے بعد سے ریاست کیرالا میں پُر امن مثالی احتجاجی مظاہرے ہورہے ہیں‘ اتنا ہی نہیں کیرالہ اسمبلی میں شہریت ترمیمی قانون کو غیرآئینی قراردیتے ہوئے قرارداد منظور کرلی گئی اس کے بعد اب کیرالہ اس قانون کے خلاف سپریم کورٹ سے رجوع ہونے والی پہلی ریاست بن گئی ہے۔ کیرالہ اسمبلی میں گزشتہ سال دسمبر میں شہریت ترمیمی ایکٹ کے خلاف ایک قرارداد منظور کیا تھا۔ یادرہے کہ شہریت ترمیمی قانون کی منظوری کے بعد پورے ملک میں احتجاجی مظاہرے ہورہے ہیں۔
کیرالہ اسمبلی میں وزیر اعلی ٰپنرائی وجین نے شہریت ترمیمی قانو ن کے خلاف قرارداد پیش کی تھیں۔ جس کے بعد اسمبلی میں اسے اتفاق رائے سے منظور کرلیا گیا ہے۔ اس موقع پر خطاب کرتے ہوئے وزیر اعلی ٰپنرائی وجین نے کہا کہ مرکز کی بی جے پی حکومت ملک کو مذہب کے نام پر تقسیم کرنے کی کوشش کررہی ہے۔ انہوں نے کہا کہ ’’میں یہ واضح کرنا چاہتا ہوں کہ کیرالہ میں کوئی حراستی مراکز قائم نہیں ہوں گے۔ کیرالہ کی سیکولرازم ، یونانیوں ، رومیوں ، عربوں کی ایک لمبی تاریخ ہے ۔ہر ایک ہماری سرزمین پر پہنچا۔ عیسائی اور مسلمان شروع ہی میں کیرالا پہنچ گئے۔ ہماری روایت جامع ہے۔ ہماری اسمبلی کو اس روایت کو زندہ رکھنے کی ضرورت ہے۔ سی اے اے کے نفاذ کو مساوات کے بنیادی حق کی خلاف ورزی قرار دیتے ہوئے کیرالہ کے وزیراعلیٰ نے کہا تھا ،پارلیمنٹ کے دونوں ایوانوں سے منظور کی جانے والی سی اے اے 2019 نے مختلف برادریوں میں تشویش پیدا کردی ہے ، اس کے خلاف ریاست بھر میں بھی شدید احتجاج کیا گیا ہے۔
اس ایکٹ کے ذریعہ،ملک میں شہریت دینے کے لئے نئی رہنما اصول وضع کیا ہے ، مساوات کے بنیادی حق کی خلاف ورزی ہے جیسا کہ آئین کے تیسرا حصہ میں مذکور ہے۔11 دسمبر کو راجیہ سبھا میں شہریت بل کی منظوری کے ایک دن بعد ، پنرائی وجین نے نریندر مودی کی زیرقیادت حکومت پر سخت تنقید کی تھی اور کہا تھا کہ "غیر آئینی بل” کی کیرالہ میں کوئی جگہ نہیں ہوگی اور ریاست میں اس پر عمل درآمد نہیں ہوگا۔لوگوں کو بل کی مخالفت کرنے کے لئے کہتے ہوئے ، پنرائی وجین نے دعویٰ کیا تھا کہ مجوزہ قانون سیکولرازم کی نفی ہے اور بھگوا جماعت نے واضح کردیا تھا کہ اس کا اصل سیاسی تختہ فرقہ واریت ہے۔
