حیدرآباد: 30؍مارچ (عصر حاضر) ریاست تلنگانہ کے وہ افراد جنہوں نے 13 تا 15 مارچ کے درمیان دہلی کے نظام الدین مرکز بنگلہ والی مسجد میں منعقدہ جوڑ میں حصہ لیے ہیں ان سے وزارتِ صحت نے یہ اپیل کی کہ وہ اپنی اپنی جانچ کروالیں‘ چونکہ مذکورہ تاریخوں میں مرکز نظام الدین جانے والے افراد میں سے اب تک چھ افراد کی کورونا انفیکشن کے باعث موت واقع ہوچکی ہے۔ دو کی موت گاندھی ہاسپٹل میں واقع ہوئی ہے، جبکہ اپولو ہاسپٹل اور گلوبل ہاسپٹل میں ایک ایک نیز شہر نظام آباد اور گدوال میں ایک ایک موت واقع ہوئی۔ ان حقائق کے پیش نظر متعلقہ اضلاع کے کلکٹروں کی رہنمائی میں وزارتِ صحت کی جانب سے خصوصی ٹیموں کے ذریعہ وائرس سے متاثرہ مشتبہ افراد کی نشاندہی کرتے ہوئے اُنہیں فوری طور پر ہاسپٹل منتقل کیا جارہا ہے۔ بعد ازاں اُنکا معائنہ کرتے ہوئے اُنکے لئے علاج کی مفت سہولیات فراہم کی جارہی ہیں۔
@TelanganaHealth Dept appealed to people to inform Govt. the whereabouts of persons who attended the Markaz in New Delhi adding that it will conduct tests for them and provide free treatment. #Coronavirus
— Telangana CMO (@TelanganaCMO) March 30, 2020
چونکہ مرکز کے اس جوڑ میں شامل تمام افراد کا وائرس سے متاثر ہونے کا خطرہ لاحق ہے اسی لئے محکمہ صحت و طبابت نے نظام الدین مرکز کے اُس جوڑ میں شامل تمام افراد سے اپیل کی ہے کہ وہ اپنی شرکت سے متعلق حکام کو مطلع کریں تاکہ حکومت ایسے لوگوں کیلیے ٹیسٹ کا انتظام کریں اور اُنھیں مفت علاج مہیا کرسکے۔ لہذا نظام الدین مرکز جوڑ میں شامل تمام افراد ہر حال میں اپنی شرکت سے متعلق حکام کو واقف کروائیں۔ اسی طرح ایسے افراد کی شرکت سے واقف دوسرے افراد کو بھی چاہئے کہ وہ ان افراد کی شرکت سے متعلق محکمہ صحت و طبابت کے حکام کو آگاہ کریں۔
#COVID19 has spread among some of those who attended a religious prayer meeting from 13th to 15th March at Markaz in the Nizamuddin area of Delhi. Among those, who attended were some persons from Telangana. Of them, six died: Telangana Chief Minister's Office pic.twitter.com/zWMUcFocgN
— ANI (@ANI) March 30, 2020
