ترکی میں حالیہ برف باری کے نتیجےمیں بعض مقامات پر حیوانات برف میں دب گئے اور بعض مقامات پر برف میں منجمد ہوگئے۔ سوشل میڈیا پر پوسٹ کی جانے والی بعض ویڈیوز میں دکھایا گیا ہے کہ برف باری میں منجمد ہونے والے بعض جاندار مجسموں کی شکل اختیار کرچکے ہیں۔
سوشل میڈیا پر ترکی کے ایک صوبے کی سڑکوں پر کئی گدھوں کے جمنے کا ویڈیو کلپ بھی شیئر کیا گیا۔
ٹویٹ کرنے والوں نے کہا کہ یہ ویڈیو ترکی کے وان صوبے کی ہے جہاں سال کے اس وقت ملک میں کم درجہ حرارت کے نتیجے میں شدید برف باری ہوتی ہے۔
اسی سیاق و سباق میں ترکی اور یونان میں زمینی اور فضائی نقل و حمل میں شدید برف باری کے دوران بڑی رکاوٹیں دیکھنے میں آئیں۔ منگل کی صبح استنبول میں صرف دو پروازوں کو اترنے کی اجازت دی گئی تھی اور دوپہر کے وقت ہوائی اڈے پر صورتحال بدستور افراتفری کا شکار تھی۔ پیر سے ہوائی ٹریفک معطل ہے۔
"ترکش ایئر لائنز” جو کہ ترکی کی سب سے نمایاں ایئر لائن ہے نے اعلان کیا ہے کہ استنبول سے اس کی پروازیں منگل اور بدھ کی درمیانی شب تک معطل رہی ں گے۔
سوشل میڈیا پر گردش کرنے والی تصاویر میں مسافروں کو ہوائی اڈے پر زمین پر پڑے ہوئے دکھایا گیا ہے۔
جنوب مغربی ترکی میں انطالیہ اور موگلا کے صوبوں کی طرف جانے والے سڑکیں منگل سے ٹریفک کے لیے بند ہیں جبکہ بنیادی خدمات کے علاوہ کئی صوبوں میں تعطیل کا اعلان کیا گیا۔
پڑوسی ملک یونان میں ایتھنز کے رہائشیوں کے ساتھ ساتھ ملک کے وسط میں کئی شہروں میں منگل کو برف کی ایک موٹی تہہ جم گئی تھی۔
