سیالکوٹ: پاکستان کے سیالکوٹ میں اتوار کی دوپہر سلسلہ وار دھماکوں کی گونج سنائی دی۔ مقامی میڈیا رپورٹ کے مطابق، پاکستان میں بڑے سیاسی بحران کے درمیان سیالکوٹ واقع پاکستانی فوج کے ڈپو میں یہ سبھی دھماکے ہوئے۔ جانکاری کے مطابق، فوج کے گولہ بارود ڈپو میں یہ دھماکہ ہوا ہے۔
دی ڈیلی ملاپ کے ایڈیٹر رشی سوری نے ایک ٹوئٹ میں لکھا، ’شمالی پاکستان میں سیالکوٹ ملٹری بیس پر کئی دھماکے ہوئے ہیں۔ ابتدائی اشارے یہ مل رہے ہیں کہ یہ ایک گولہ بارود اسٹوریج علاقہ ہے۔ دھماکے کے بعد ایک بڑی آگ جلتی ہوئی دیکھی جا رہی ہے۔ ابھی تک دھماکہ کے پیچھے کی اصل وجہ کا پتہ نہیں چل پایا ہے۔
کئی پاکستانی اس حادثہ کا ویڈیو سوشل میڈیا پر پوسٹ کر رہے ہیں، جن میں سے کئی کا دعویٰ ہے کہ اس علاقے میں کئی دھماکے ہوئے ہیں۔ سیالکوٹ چھاونی، سب سے پرانے اور سب سے اہم پاکستانی فوج کے ٹھکانوں میں سے ایک، شہر سے متصل ہوا علاقہ ہے۔ اس کا قیام 1852 میں برطانوی ہندوستانی فوج کے ذریعہ کی گئی تھی۔
یہ حادثہ ایسے وقت میں ہوا ہے، جب پاکستان کے وزیر اعظم عمران خان موجودہ وقت میں اپنی حکومت بچانے کے لئے جہدوجہد کر رہے ہیں۔ دو اپوزیشن جماعتوں کے ذریعہ ان کی حکومت کے خلاف ملک کی پارلیمنٹ میں عدم اعتماد کی تحریک لائی گئی ہے۔ عمران خان اپنے ہی برسراقتدار اتحاد کے اندر ناراضگی کا سامنا کر رہے ہیں۔
