نئی دہلی: 29؍مارچ (ذرائع) ملک بھر میں جاری لاک ڈاؤن پر آج مرکز نے ریاستوں کو سختی سے عمل درآمد کرنے کی ہدایت جاری کی ہے ۔کابینہ کے سکریٹری اور وزارت داخلہ کے سکریٹری، ریاستوں کے چیف سکریٹریوں اور ڈی جی پیز کے ساتھ مستقل رابطے میں ہیں۔ کابینہ سکریٹری اور ہوم سکریٹری کے ذریعہ کل شام اور آج صبح چیف سکریٹریوں اور ڈی جی پیز کے ساتھ ویڈیو کانفرنسیں منعقد کی گئی۔ جس میں تمام ریاستوں و مرکز کے زیر انتظام علاقوں میں لاک ڈاؤن پر سختی سے عمل درآمد کو یقینی بنانے کی ہدایت دی گئی ہے۔
مرکزی حکومت نے تمام ریاستوں میں ضروری سامان کی سپلائی کو برقرار رکھنے پر زور دیاہے۔24 گھنٹے صورتحال پر نظر رکھی جارہی ہے اور ضرورت کے مطابق ضروری اقدامات کیے جارہے ہیں۔تاہم ، ملک کے کچھ حصوں میں تارکین وطن کارکنوں کی نقل و حرکت کے واقعات سامنے آئے ہیں۔مرکزی کی جانب سے جاری ہدایات میں ضلعی اور ریاستی سرحدوں کو موثر طریقے سے سیل کرنے کی ہدایت دی گئی ہے۔ یاد رہے کہ اس پہلے بھی ریاستوں کو ہدایت دی گئی تھی کہ شہروں یا شاہراہوں پر لوگوں کی نقل و حرکت یقینی نہ ہو۔مرکزی حکومت نے اپنے احکامات میں کہا کہ صرف ضروری سامان کی نقل و حرکت کی اجازت دی جانی چاہیے۔
#Lockdown21 #COVID2019india#CoronaUpdate :
Centre directs States to enforce strict implementation of lockdown.
Cabinet secretary and MHA are in constant touch with State Chief Secretaries and DGPs. (1/n)
— PIB India (@PIB_India) March 29, 2020
مرکزی حکومت کی جانب سے جاری کردہ پریس ریلیز میں بتایا گیا ہے کہ ان ہدایات پر عمل درآمد کے لئے ڈی ایم اور ایس پیز کو ذاتی طور پر ذمہ داربنانے کی ہدایت گئی ہے ۔جو ڈی ایم ایکٹ کے تحت خدمات انجام دیں گے۔مرکز نے ریاستوں کو ہدایت دی کہ تارکین وطن مزدوروں سمیت غریب اور نادار افراد کے کھانے اور رہائش کے مناسب انتظامات ان کے کام کی جگہ پر کئے جائیں۔ وہیں مرکز نے اس مقصد کے لئے ایس ڈی آر ایف فنڈز کے استعمال کے لئے کل احکامات جاری کیے تھے۔اس فنڈ کے تحت ریاستوں کے پاس کافی فنڈز دستیاب ہیں۔
ریاستوں کو یہ بھی بتایا گیا ہے کہ لاک ڈاؤن کی مدت کے دوران مزدوروں کو ان کے کام کی جگہ پر اجرت کی بروقت ادائیگی یقینی بنائیں۔ اس مدت کے لئے مزدوروں سے مکان کرایہ کا مطالبہ نہیں کیا جانا چاہئے اورجو افراد مزدوروں یا طلباء کو احاطہ خالی کرنے کو کہتے ہیں کہ ان کے خلاف کاروائی کی جانی چاہیے۔ جن لوگوں نے لاک ڈاؤن کی خلاف ورزی کی ہے اور لاک ڈاؤن کے دورانیے کے دوران سفر کیا ہے۔ انھیں سرکاری قرنطین سہولیات میں کم از کم 14 دن کے قرنطین سے مشروط کیا جائے گا۔قرنطین کے دوران ایسے افراد کی نگرانی سے متعلق تفصیلی ہدایات ریاستوں کو جاری کردی گئیں۔ تمام ریاستوں سے یہ بات زور دیاگیاہے کہ کورونا وائرس کی وباء قابو پانے کے لئے تین ہفتوں تک سخت نفاذ ضروری ہے اور یہ سب کے مفاد میں ہے۔
