احوال وطنافکار عالم

ٹوئٹر پر بلیو ٹک والے صارفین کو ماہانہ فیس ادا کرنی ہوگی‘ نیا سسٹم متعارف

سان فرانسسکو، 31 اکتوبر (عصرحاضر) ایلون مسک نے ویریفکیشن ٹوئٹر صارفین سے ہر ماہ 20 ڈالر فیس لینے کا فیصلہ کیا ہے۔ غیر ملکی میڈیا رپورٹ کے مطابق سماجی رابطے کی ویب سائٹ ٹوئٹر کے نئے مالک ایلون مسک نے ٹوئٹر کے بلیو ٹک والے صارفین پر فیس عائد کرنے کے لیے نیا سسٹم متعارف کروایا ہے۔ ایلون مسک نے فیس عائد کرنے کے لیے انجینئرز کو 7 نومبر کی ڈیڈ لائن دی ہے، ڈیڈ لائن تک پروجیکٹ پورا نہ کرنے کی صورت میں مسک نے انجینئرز کو برطرف کرنے کی وارننگ بھی دی ہے۔
واضح رہے کہ ایلون مسک نے ٹوئٹ میں کہا تھا کہ ٹوئٹر اکاؤنٹ کے تصدیقی طریقہ کار کو نئے سرے سے بنایا جارہا ہے۔ دنیا کے سب سے امیر شخص ایلون مسک نے ٹوئٹر خریدنے کے بعد سوشل میڈیا پلیٹ فارم میں تبدیلیاں لانے کا اعلان کیا تھا۔ بلیو ٹک کے علاوہ ٹوئٹر کے دیگر فیچرز پر بھی فیس عائد کی جائے گی۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
×