حیدرآبا5؍اپریل (عصرحاضر) تلنگانہ کے ریاستی وزیر صنعت و آئی ٹی کے ٹی راما راؤ نے پیر کے روز پٹرول ڈیزل کی قیمتوں میں اضافہ کے خلاف اپنے ٹویٹر اکاؤنٹ کے ذریعہ ایک ٹویٹ کیا اور دعویٰ کیا کہ اگر مرکزی حکومت مختلف سیس کوختم کرے تو فیول کی قیمتوں میں 30فیصد تک کمی آسکتی ہے۔ انہوں نے اپنے ٹویٹ میں کہا کہ 14 دنوں کے دوران 12 مرتبہ فیول کی قیمتوں میں اضافہ‘کسی بھی اذیت سے کم نہیں ہے۔ ”ہم نے چین کی اذیت وتشد کے بارے میں صرف کتابوں میں پڑھا ہے“گذشتہ 14دنوں میں فیول کی قیمتوں میں لگاتار80پیسے کا اضافہ‘12 ویں بار اضافہ کسی اذیت‘تشدداور ریکارڈ سے کم نہیں ہے۔
https://twitter.com/KTRTRS/status/1510813336404824065
کے ٹی آر نے مرکزی وزیر فینانس نرملاسیتا رمن سے پوچھا کہ پارلیمنٹ میں خام تیل کی قیمتوں میں اضافہ پر بحث سے کیوں پس وپیش کیا جارہا ہے۔ سیس کوہٹاتے ہوئے آپ‘پٹرول اورڈیزل کی قیمتوں میں کمی لاسکتی ہیں۔کے ٹی آرنے کہاکہ اگر مرکزی حکومت مختلف سیس ختم کرتی ہے تو فیول کی قیمتو ں میں 30 فیصد تک کمی آسکتی ہے۔انہوں نے تحریر کیا کہ ریاستیں کس طرح ٹیکس کم کرسکتی ہیں جبکہ تلنگانہ نے گزشتہ 7برسوں سے ویاٹ میں اضافہ ہی نہیں کیا ہے۔