حیدرآباد: 21؍دسمبر (عصرحاضر) سال 2022ء کے دوران حیدرآباد شہر میں جرائم کی مجموعی شرح تقریباً پچھلے سال جیسی رہی اور اس سال کل 22060 کیسز ہوئے جو کہ پچھلے سال 21998 تھے۔سال 2022ء میں قتل کے واقعات 89 سے کم ہو کر 63 ہو ئے جیسا کہ گزشتہ سال رپورٹ کیا گیا تھا، اغوا 225 سے کم ہو کر 220، خواتین کے خلاف جرائم 2652 سے 2524، POCSO کے واقعات 399 سے 350 رہ گئے۔ سائبر کرائم میں اضافہ ہوا ہے اور اس سال 2066 کے مقابلے میں 2249 مقدمات درج ہوئے ہیں۔ حیدرآباد کمشنر پولیس سی وی آنند نے کہا کہ پولیس نے جرائم پر قابو پا لیا ہے اور شہر میں امن قائم رکھنے کے لیے تمام ونگز کی جانب سے کئی اقدامات شروع کیے گئے ہیں۔ انہوں نے کہا کہ پولیس نے تہواروں، میٹنگوں اور سیاسی تقریبات سمیت تمام اہم تقریبات کے پرامن انعقاد کو یقینی بنایا۔ پولیس نے متعدد غیر ملکیوں کو گرفتار کرکے منشیات کے ریکیٹ کا قلع قمع کرنے میں کامیابی حاصل کی ہے۔ انہوں نے کہا کہ ہر کیس کا سراغ لگایا جاتا ہے اور بعض کیسز میں 100 تک ٹیموں نے کیس کا پتہ لگانے اور اسے حل کرنے کے لیے کام کیا۔
حیدرآباد شہر میں سال 2022ء کے دوران جرائم کی شرح پچھلے سال کے مساوی: کمشنر پولیس سی وی آنند
