امریکہ کا بے مقصد جنگوں اور غیر ضروری تنازعات میں کوئی کردار نہیں ہوگا: جوبائیڈن

واشنگٹن: 25؍نومبر (ذرائع) امریکی صدارتی انتخابات میں اپنی فتح کا اعلان کرنے والے ڈیموکریٹک امیدوار جوبائیڈن نےکہا ہے کہ امریکا بحر الکاہل اور بحر اوقیانوس کے سمندروں میں عالمی قیادت کا کردار ادا کرے گا اور غیر ضروری تنازعات میں اس کا کوئی کردار نہیں ہوگا۔ بائیڈن نے کہا کہ امریکا اپنی قومی سلامتی کی ٹیم متعارف کروانے کے لیے غیر ضروری جنگوں میں اپنا کردار ادا نہیں کرے گا اور نہ اپنی وسائل کو بے مقصد جنگوں‌ پر صرف کیا جائےگا۔ بائیڈن نے اپنی خارجہ پالیسی کی خصوصیات کے بارے میں‌ بات کرتے ہوئے کہا کہ ان کا ملک ایشیاء پیسیفک کے خطے میں عالمی سطح پر قائدانہ کردار ادا کرنے اور اتحاد کو مضبوط بنانے کی کوشش کرے گا۔ جوبائیڈن نے مزید کہا کہ امریکا دنیا کی قیادت کرنے کے لیے تیار ہے۔ وہ ایک ایسی ٹیم پیش کررہی ہے ہیں جو امریکا اور اس کے عوام کی سلامتی اور حفاظت کو برقرار رکھے گی۔ ایک ایسی انتظامیہ جو اپنے اتحادیوں کو نظر انداز کیے بغیر اپنے مخالفین کا مقابلہ کرنے کے لیے تیار ہوگی۔ جوبائیڈن نے کہا کہ مُجھے خوشی ہے کہ انٹیلی جنس اداروں کی طرف سےانتقال اقتدار کی پرامن منتقلی کی یقین دہانی کرائی گئی ہے۔ ہماری ٹیم ملک کو درپیش چیلنجوں کے مقابلے کی تیاری کے ساتھ ساتھ وبا کو قابو کرنے ، بہتر طور پر تعمیر نو اور ملک کی حفاظت و سلامتی کے تحفظ کے لیے موثر اقدامات کرے گی۔ نو منتخب امریکی صدر منتخب نے کہا کہ اگرچہ امریکی ریاستوں نے نتائج کی توثیق کردی ہے اور اقتدار کی منتقلی کا عمل شروع ہوچکا ہے لیکن صدر ٹرمپ نے نتائج کو تسلیم کرنے سے انکار کرکے غیر جمہوری روایت قائم کی ہے۔

اعلان