آئینۂ دکن

راجیہ سبھا کے لیے ٹی آر ایس کے دو اُمیدوار بلامقابلہ منتخب

تلنگانہ میں حکمراں جماعت تلنگانہ راشٹرا سمیتی (ٹی آر ایس) کے دو امیدواروں دامودر راؤ دواکونڈا اور بی پارتھ ساردھی ریڈی کو ریاست سے راجیہ سبھا کے لیے بلامقابلہ منتخب قرار دیا گیا۔ریاست میں جمعہ کے روز پرچہ نامزدگی کی واپسی کے بعد ٹی آر ایس کے صرف دو امیدوار میدان میں رہ گئے اور وہ بلا مقابلہ منتخب ہوگئے۔
تلنگانہ کے چیف الیکٹورل آفیسر (انچارج) ڈاکٹر بدھا پرکاش جیوتھی نے کہا کہ نتیجہ کا اعلان کر دیا گیا ہے۔
الیکشن کمیشن نے پارلیمنٹ کے ایوان بالا کی دو نشستوں کے شیڈول کا اعلان کیا تھا، کیونکہ موجودہ ممبران وی لکشمی کانت راؤ اور ڈی سرینواس 21 جون کو ریٹائر ہو جائیں گے۔دواکونڈا تلنگانہ پبلیکیشن پرائیویٹ لمیٹڈ کے چیئرمین اور منیجنگ ڈائریکٹر تھے۔
وہیں ریڈی ہیٹرو ڈرگس کے چیئرمین اور منیجنگ ڈائریکٹر تھے۔
قبل ازیں، ٹی آر ایس سے راجیہ سبھا کے لیے دو امیدواروں کا انتخاب ایک رسمی حیثیت بن گیا تھا کیونکہ ریاستی الیکشن کمیشن نے ان عہدوں کے لیے داخل کردہ دو دیگر نامزدگیوں کو خارج کر دیا تھا۔شرم جیوی پارٹی سے تعلق رکھنے والے بھوجراج کوئیلکر اور ججولا بھاسکر دونوں کے نامزدگیاں بدھ کو جانچ پڑتال کے بعد مسترد کر دی گئیں۔

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button
×