تجویدالقرآن عنبرپیٹ میں نعتیہ محفل سرورِ کونینﷺ‘ ملک کے ممتاز شعراء کرام اپنا کلام پیش کریں گے
حیدرآباد: 23؍اکتوبر (عصرحاضر) مفتی محمد عرفان قاسمی کی اطلاع کے بموجب تجوید القرآن ایجوکیشنل اینڈ چیاریٹیبل ٹرسٹ عنبرپیٹ کے زیر انتظام اور سٹی جمعیۃ العلماء گریٹر حیدرآباد حلقہ عنبرپیٹ کے زیر اہتمام عظیم الشان نعتیہ محفل سرورکونینﷺ بتاریخ : 25؍ اکٹوبر 2022 ء مطابق :28؍ربیع الاول 1444ھ، بروز منگل بعد نماز ظہر تا عصر (نماز ظہر 1:30) بمقام : تجوید القرآن ایجوکیشنل اینڈ چیاریٹیبل ٹرسٹ، آزاد نگر ، عنبرپیٹ ،حیدرآباد زیر صدارت : خادم القرآن حضرت مولانا حافظ محمدغوث رشیدی صاحب دامت برکاتہم اور زیر نگرانی : حضرت مولانا محمد مصدق القاسمی صاحب دامت برکاتہم منعقد ہوگا۔ اس بارونق محفل میں ملک کے ممتاز شعراء کرام شاعر اسلام مولانا قاری احسان محسن صاحب ( مظفر نگر) ، بلبل ہندمفتی طارق جمیل صاحب( قنوج)، مداحِ رسول قاری محمد تابش ریحان صاحب ( مئو) ، بلبلِ دکن قاری علیم الدین واحد صاحب (حیدرآباد) ، مداحِ خیر الانام مولانا پیرعبد الوہاب عمیر صاحب (حیدرآباد)، ثناء خوانِ رسول مولانا مفتی اکرام الحسن مبشر صاحب (حیدرآباد)، اپنا اپنا کلام پیش کریں گے۔ حافظ محمد زکریا فہد قاسمی ،نائب ناظم ٹرسٹ وجمیع ٹرسٹیان ،منتظمین ،معلمین ومعلمات کے علاوہ مولانا محمد یعقوب قاسمی،صدر سٹی جمیعۃ العلماء حلقہ عنبر پیٹ وجمیع اراکین نے شمع محمدی ؐکے پروانوں سے کثیر تعداد میں شرکت کی خواہش کی ہے۔
