بدترین مالی بحران کا شکار سری لنکا میں پیپر کی کمی کے باعث امتحانات غیر معینہ مدت کے لیے ملتوی

کولمبو: سری لنکا نے مغربی صوبے میں اسکول کے لاکھوں طلباء کے امتحانات منسوخ کر دیے ہیں کیونکہ ملک میں پرنٹنگ پیپر ختم ہو گیا ہے اور حکام کے مطابق، کولمبو میں درآمدات کے لیے زرمبادلہ کی کمی ہے۔

تعلیمی حکام نے کہا کہ پیر سے ایک ہفتہ طے شدہ ٹرم ٹیسٹ پیپرز کی شدید کمی کی وجہ سے غیر معینہ مدت کے لیے ملتوی کر دیے گئے ہیں کیونکہ سری لنکا 1948 میں آزادی کے بعد سے بدترین مالی بحران کا سامنا کر رہا ہے۔

سری لنکا زرمبادلہ کے ذخائر میں کمی اور مالیاتی بحران کے سبب خوراک، ایندھن اور ادویات کی کمی کا شکار ہے۔ کورونا کے سبب شدید مالیاتی بحران کے باعث کاغذ کی درآمد بند ہونے سے سری لنکا میں اسکولوں کے امتحانات غیر معینہ مدت تک ملتوی کردیئےگئے۔ غیر ملکی خبررساں ایجنسی کے مطابق سری لنکا کے محکمہ تعلیم کےحکام کا کہنا ہےکہ ٹسٹ پیپرز کے لئے ضروری کاغذ اور سیاہی زرمبادلہ کی کمی کے سبب درآمد کرنا ممکن نہیں ہے اس لئے مغربی صوبہ میں اسکولوں کےامتحانات غیرمعینہ مدت کے لئے ملتوی کر دیئےگئے ہیں۔

رپورٹ کے مطابق سری لنکا میں اسکول طلبا کے لئے امتحان پیر سے شیڈولڈ تھے۔ خیال رہے کہ سری لنکا زرمبادلہ کے ذخائر میں کمی اور مالیاتی بحران کے سبب خوراک، ایندھن اور ادویات کی کمی کا شکار ہے۔ دوسری جانب آئی ایم ایف نے سری لنکا کی بیل آؤٹ پیکج کی درخواست پر غور کرنے پر رضامندی ظاہر کردی ہے۔