کووڈ-19؛ پنجاب میں یکم دسمبر سے نائٹ کرفیو نافذ کرنے ریاستی حکومت کا فیصلہ
لدھیانہ: 25؍نومبر (عصر حاضر) دہلی-این سی آر میں کوویڈ کی سنگین صورتحال اور پنجاب میں دوسری لہر کے خدشات کے درمیان وزیر اعلی کیپٹن امریندر سنگھ نے ریاست میں نئے احکام جاری کیے ہیں۔ کیپٹن امریندر سنگھ نے اپنے حکم نامہ میں یکم دسمبر سے ریاست کے تمام شہروں اور اضلاع میں رات دس بجے تا صبح پانچ بجے نائٹ کرفیو کو دوبارہ نافذ کرنے اور ماسک پہننے اور ایک دوسرے سے فاصلہ برقرار رکھنے کے اصولوں پر عمل نہ کرنے پر جرمانہ عائد کرنے کی بات کہی ہے۔ ان پابندیوں کا 15 دسمبر کو جائزہ لیا جائے گا۔
تمام ہوٹلوں ، ریستوران اور شادی خانوں کو 9.30 بجے تک کھلا رکھنے کی اجازت ہوگی۔ رات کے 10 بجے سے 5؍بجے تک کرفیو نافذ رہے گا۔ وزیر اعلی نے اعلان کیا ہے کہ لوگوں کو کسی بھی حالت میں اپنے ماسک کو نیچے اترنے نہیں دینا چاہیے۔
ریاست میں کووڈ کی تازہ صورتحال کے جائزہ کے لیے ایک اعلی سطحی اجلاس کے بعد نئی پابندیوں کی تفصیلات دیتے ہوئے ، ایک سرکاری ترجمان نے کہا کہ یکم دسمبر سے نائٹ کرفیو کے نفاذ کے ساتھ کوویڈ پروٹوکول کی خلاف ورزی کرنے والوں کے خلاف عائد جرمانہ کو 500 سے بڑھا کر 1000 روپے کردیا جائے گا۔
کیپٹن امریندر سنگھ نے چیف سکریٹری ونی مہاجن سے کہا کہ وہ مزید نجی اسپتالوں کو ریاست میں کوویڈ -19 مریضوں کے علاج کے لئے بستر فراہم کرنے کی ترغیب دیں۔
ابتدائی طور پر ویکسین آنے کی اطلاعات کا حوالہ دیتے ہوئے ، وزیر اعلی نے کہا کہ انہیں یہ خوشی ہوئی ہے کہ صحت کی دیکھ بھال کرنے والے کارکنوں کے لئے ڈیٹا بیس تیار ہے ، محکموں کو بھی صف اول کے کارکنوں کو دیکھنا چاہئے جن کو ویکسین کے لئے ترجیح دی جاسکتی ہے۔
