دینی مدرسہ کے گیارہ سالہ طالب علم کے اغواء وقتل معاملہ میں جمعیۃ علماء ضلع وقارآباد کی ضلع ایس پی سے ملاقات،فاسٹ ٹریک عدالت کے ذریعہ سخت کارروائی کا مطالبہ

تانڈور: 3؍نومبر (پریس ریلیز) مولانا عبدالرحمن اطہر قاسمی کی اطلاع کے بموجب چار روز قبل ضلع وقارآباد کے کوڑنگل میں ایک گیارہ سال کے معصوم دینی طالب علم محمد رضاء خان کے اغواء و قتل کے دل دہلادینے واقعہ نے پورے ضلع کو جھنجھوڑ کر رکھ دیا ہے۔
اسی ضمن میں آج جمعیۃ علماء ضلع وقارآباد کے ایک وفد نے مولانا محمد عبداللہ اظہر صاحب قاسمی صدر جمعیۃ علماء ضلع وقارآباد کی زیر قیادت معصوم کے اراکان خاندان کے ساتھ ایس پی ضلع وقارآباد نندیالا کوٹی ریڈی آئی پی ایس اور اڈیشنل ایس پی ایم اے رشید سے ملاقات کرتے ہوئے کیس کی موجودہ اسٹیٹس دریافت کیا اور تقریباً آدھے گھنٹے کی اس ملاقات کے دوران جمعیۃ کے وفد نے ضلع ایس پی سے اس معاملہ میں فاسٹ ٹریک عدالت کے ذریعہ سخت سے سخت کاروائی کی مانگ کی جس پر سپرینٹنڈنٹ آف پولیس ضلع وقارآباد نے کیس کی موجودہ اسٹیٹس اور پولیس کی جاری کاروائی کی تفصیلات سنائی اور کہا کہ پولیس انتظامیہ مکمل غیر جانب داری کے ساتھ اس کیس کی تحقیقات اور کاروائی میں مصروف ہے اور اس اغواء و قتل میں ملوث تمام مجرمین کے خلاف فاسٹ ٹریک کورٹ کے ذریعہ جلد از جلد کاروائی کا تیقن دلایا اور کہا کہ پولیس ملزم کی کال ریکارڈز اور اس کے کن لوگوں سے روابط ہیں ان تمام کا باتوں کی مختلف زاویوں سے تحقیق کرے گی اور مرحوم کو انصاف دلانے میں کوئی کسر نہیں چھوڑی جائیگی۔
بعد ازاں وفد نے کوڑنگل میں مرحوم کے گھر پہنچ کر اہل خان سے اظہار تعزیت کیا اور صبر کی تلقین کی اور اہل خانہ کو تیقن دلایا کہ حصول انصاف کی اس لڑائی میں جمعیۃ علماء ضلع وقارآباد مرحوم کے اہل خانہ کے شانہ بشانہ کھڑی ہے اور وقت پڑنے پر قانونی چارہ جوئی سے بھی گریز نہیں کیا جائے گا۔
اس وفد میں ڈاکٹر حافظ عبدالسلام صاحب،مولانا علیم الدین صاحب وقارآباد،حافظ یوسف صاحب کوڑنگل،مولانا عبدالرحمن اطہر قاسمی،مولانا سید فراست علی صاحب قاسمی،مولانا اظہر الدین صاحب قاسمی،مفتی زین الدین صاحب قاسمی وقارآباد،حافظ محمد نصیر الدین صاحب کوڑنگل اور حافظ زبیر صاحب کرنکوٹ شامل تھے۔