بابری مسجد کا 29؍واں یومِ شہادت: حیدرآباد میں خواتین کا احتجاج و اجتماعی دعا کا انعقاد

حیدرآباد: 6؍دسمبر (عصرحاضر) ایودھیا کی تاریخی بابری مسجد کی 29ویں یومِ شہادت کے موقع پر حیدرآباد کے علاقے سعید آباد میں واقع عیدگاہ اجالے شاہ میں خواتین و طالبات نے بابری مسجد کی بازیابی کیلئے اجتماعی دعاء کے انعقاد کیا۔ دعا کے بعد خواتین نے بابری مسجد کی بازیابی کیلئے احتجاج کیا اور کہا کہ بابری مسجد کی شہادت 6 دسمبر 1992 کو پولیس کی موجودگی میں ہندو شدت پسند تنظیموں نے کی تھی۔ بابری مسجد کی شہادت کو ہم نہیں بھولیں گے اور آنے والی نسل کو بابری مسجد کی شہادت کو بتائیں گے اور بابری مسجد کی بازیابی کیلئے جدوجہد جاری رہے گی۔
خواتین نے مسلمانوں سے اپیل کی ہے کہ وہ مسجد کی شہادت کو یاد رکھیں اور دوکانیں بند رکھے، گھر پر سیاہ جھنڈے لگائے اور بازو پہ سیاہ پٹیاں باندھ کر اپنا احتجاج درج کرائے۔