پولیس ملازمت کے نام پر جاری کردہ "ٹی ایس پولیس نوٹیفیکیشن -2021” جعلی ہے‘ محکمہ پولیس کا انتباہ

حیدرآباد: 14؍جولائی (عصرحاضر) تلنگانہ اسٹیٹ پولیس ریکروٹمنٹ بورڈ کے نام پر جاری کیا گیا ایک آن لائن نوٹیفکیشن پولیس حکام کے لئے حیرت کا باعث بنا ہوا ہے۔ پولیس عہدیداروں نے عوام کو مشورہ دیا کہ ایسی جعلی اطلاعات پر یقین نہ کریں۔
عہدیداروں نے بتایا کہ "ٹی ایس پولیس نوٹیفیکیشن -2021” جعلی ہے۔ نوٹیفکیشن میں کہا گیا ہے کہ یہ بھرتیاں کل 19،725 اسامیوں کے لئے ہیں ، ان میں سے 425 ایس آئی پوسٹ ہیں ، جبکہ دیگر پوسٹیں سول ، اے آر اور ٹی ایس ایس پی کانسٹیبل ہیں۔ درخواستیں 22 جولائی سے وصول کی جائیں گی اور امتحان 27 دسمبر کو ہوگا۔
31 صفحات پر مشتمل نوٹیفکیشن میں او بی سی ، بی سی ایس ، ایس سی ایس اور ایس ٹی کے لئے مخصوص عہدوں کی تعداد ، ہر مضمون کے لئے نشانات وغیرہ سے متعلق تفصیلات کا بھی تذکرہ کیا گیا ہے۔ اس جعلی نوٹیفیکیشن میں ویب سائٹ کا بھی ذکر کیا جہاں سے ہال کے ٹکٹ ڈاؤن لوڈ کیے جاسکتے ہیں۔ محکمہ پولیس نے کہا کہ یہ نوٹیفیکیشن سراسر جعلی ہے اس پر یقین نہ کریں۔