اومیکرون سے ڈرنے کے بجائے احتیاط اور چوکسی اختیار کرنے کی ضرورت ہے: ایم وینکیا نائیڈو

نئی دہلی: 4؍دسمبر (عصرحاضر) نائب صدر جمہوریہ ایم وینکیا نائیڈو نے کورونا کی نئی قسم اومیکرون پر بات کرتے ہوئے کہا کہ کووڈ کے نئے ویریئنٹ اومیکرون سے ڈرنے کی ضرورت نہیں ہے بلکہ احتیاط اور چوکسی اختیار کرنے کی ضرورت ہے۔
یہاں نائب صدر کی رہائش گاہ پر منعقدہ ایک تقریب میں گوتم چنتامنی کی کتاب ‘دی مڈ وے بیٹل: موڈیز رولر کوسٹر سیکنڈ ٹرم’ کا اجرا کرتے ہوئے نائیڈو نے کہا کہ لوگوں کو جلد از جلد ٹیکہ لگانا چاہیے۔مسٹر نائیڈو نے لوگوں کو مشورہ دیا کہ وہ نئے کورونا وائرس سے نہ گھبرائیں اور چوکنا رہیں اور وبائی مرض کے ختم ہونے تک کووڈ کے اصولوں پر عمل کریں۔ انہوں نے لوگوں پر بھی زور دیا کہ وہ ہچکچاہٹ بند کریں اور جلد از جلد خود کو ویکسین کروائیں۔
نائب صدر جمہوریہ نے کہا کہ کورونا وائرس کی وبا پوری انسانیت کے لیے ایک بڑے چیلنج کے طور پر سامنے آئی ہے۔