سابرمتی ندی میں خودکشی کرنے والی عائشہ خان کے شوہر عارف خان کو دس سال کی جیل

احمد آباد : 28؍اپریل (عصرحاضر) تقریبا ایک سال پہلے سابرمتی ندی میں چھلانگ لگانے سے پہلے عائشہ کی جانب سے بنائے گئے خودکشی ویڈیو نے سوشل میڈیا پر ہنگامہ مچا دیا تھا ۔ پولیس جانچ میں جہیز ، ذہنی استحصال سمیت کیس میں اسحتصال کے کئی پہلو سامنے آئے تھے ۔
اب گجرات کی احمد آباد سیشن کورٹ نے عارف نام کے ملزم شوہر کو خودکشی کے معاملہ میں 10 سال کی جیل کی سزا سنائی ہے ۔ عائشہ کا ویڈیو سوشل میڈیا پر وائرل ہونے کے بعد عارف کو پچھلے سال راجستھان کے پالی سے گرفتار کیا گیا تھا ۔ 25 فروری 2021 کو ریکارڈ کئے گئے وائرل ویڈیو میں عائشہ نے خودکشی کرنے سے پہلے ایک میسیج ریکارڈ کیا تھا ، جس میں اس نے کہا تھا کہ وہ دباو میں کچھ نہیں کررہی ہے اور اس کو خوشی ہے کہ وہ اللہ سے ملے گی ۔
آخری مرتبہ اپنے دکھ کو بیان کرنے اور اپنے کبنہ کو ویڈیو بھیجنے کے بعد عائشہ پول سے سابرمتی ندی میں کود گئی تھی ۔ عائشہ کی موت کے بعد اس کی شادی سے وابستہ دل دہلادینے والے کئی راز سے پردہ اٹھا ۔ عائشہ کی شادی عارف خان سے ہوئی تھی اور وہ ان کے ساتھ احمد آباد میں رہ رہی تھی ۔
عائشہ کا جہیز کیلئے لگاتار استحصال کیا جارہا تھا ۔ وہیں اس کا شوہر عارف بھی راجستھان کی ایک خاتون کے ساتھ ایکسٹرا میریٹل افیئر میں تھا ۔ عارف اپنی گرل فرینڈ کو عائشہ کی موجودگی میں ویڈیو کال کرتا تھا اور اس سے فحش باتیں کرتا تھا ۔ حالات نے عائشہ کیلئے ایک مایوس کن ازدواجی تعلقات کو جنم دیا ، جس نے اپنے ساتھ ہوئی نا انصافی پر خاموش رہنے کا فیصلہ کیا ۔